यावल(सुरेश पाटील)
यावल तालुका सकल मराठा सेवा संस्थेच्या वतीने यावल शहरातील सकल मराठा समाजाचा स्नेह मेळावा रविवारी येथील भुसावळ रस्त्यावर असलेल्या एम. के.फॉर्म मध्ये यावल आदिवासी विकास प्रकल्प अधिकारी वनिता सोनवणे तसेच प्रांताधिकारी कैलास कडलग यांच्या प्रमुख उपस्थितीत मोठ्या उत्साहात पार पडला.या कार्यक्रमाचे अध्यक्षस्थानी संस्थेचे अध्यक्ष तथा माजी नगराध्यक्ष अतुल पाटील होते. [ads id="ads1"]
सकल मराठा सेवा संस्थेने आयोजित केलेल्या या मेळाव्यात मराठा समाज बांधवांसह भुसावळचे माजी नगरसेवक प्राध्यापक जयेंद्र लेकुरवाळे,स्वयंदीप प्रतिष्ठानचे संचालक तथा जिल्हा बालकल्याण समिती सदस्य संदीप सोनवणे,फैजपूर उपविभागीय अधिकारी कैलास कडलग,आदिवासी विकास प्रकल्प अधिकारी वनीता सोनवणे प्रमुख पाहुणे म्हणून उपस्थित होते.याप्रसंगी प्राध्यापक जयेद्र लेकुरवाळे यांनी मराठा समाजाने समाजातील अनिष्ट प्रथेचा त्याग करून आधुनिक विचारसरणी अवलंबवावी यासह महिलांनी आपल्या मुलांना शिक्षित करावे,आई जिजाऊंनी अत्यंत परिश्रम घेऊन छत्रपती शिवाजींना घडविले त्याप्रमाणे प्रत्येक मातेने आपल्या मुलांकडे लक्ष घालून समाजाततील एक आदर्श व्यक्तिमत्व घडवावे असे सांगितले. [ads id="ads2"]
तर स्वयंदीप प्रतिष्ठानचे संचालक संदीप सोनवणे यांनी समाजातील मराठा युवक युवतींनी शैक्षणिक प्रगती करत युवकांनी विविध व्यवसायाच्या माध्यमातून स्वावलंबी होण्याची गरज असल्याचे मत त्यांनी व्यक्त केले.प्रांताधिकारी कैलास कडलग यांनी आजच्या शैक्षणिक स्पर्धेत यशस्वी होण्यासाठी,मुला -मुलीनी मोबाईल टीव्ही यांना दूर ठेवून स्पर्धा परीक्षांची तयारी करावी पालकांनी आपल्या पाल्यांकडे अत्यंत लक्ष देण्याची गरज निर्माण झाली असल्याचेही त्यांनी सांगितले.आदिवासी विकास प्रकल्प अधिकारी वनिता सोनवणे यांनी महिलांनी,आई जिजाऊ व सावित्रीबाई फुले यांची भूमिका साकारत आपल्या पाल्यांकडे, लक्ष देण्याची गरज असल्याचे सांगितले संस्थेचे अध्यक्ष अतुल पाटील यांनी अध्यक्षीय भाषण केले.
हेही वाचा:- दहावी पास उमेदवारांसाठी सुवर्ण संधी : भारतीय डाक विभागात महाराष्ट्र सर्कल मध्ये 2508 जागांसाठी भरती
कार्यक्रमाच्या सुरुवातीस आई जिजाऊ व श्री छत्रपती शिवाजी महाराज यांच्या प्रतिमेचे पूजन उपस्थित मान्यवरांच्या हस्ते करण्यात आले प्रास्ताविक प्राध्यापक मुकेश येवले यांनी तर सूत्रसंचालन अतुल पाटील यांनी केले.कार्यक्रमास बापू भोसले,शहाजीराव यादव,अनिल जाधव,विजय पवार माजी नगराध्यक्षा रुखमाबाई भालेराव,बाळू कोलते यांचे सह शहरातील मराठा समाज बंधू भगिनी मोठ्या संख्येने उपस्थित होते. कार्यक्रम पार पाडण्यासाठी शहरातील मराठा समाज युवकांनी परिश्रम घेतले.
