यावल प्रतिनिधी (फिरोज तडवी) तालुक्यातील कोळवद गावाजवळील खडकाई नदीच्या पात्राजवळुन बेकायदेशीररित्या कत्तलीसाठी घेवून जाणाऱ्या दोघांवर यावल पोलिसांनी कारवाई करीत ताब्यात घेतले असुन त्या ७गुरांची सुटका करण्यात येवुन त्यांना गोशाळेत रवाना करण्यात आले याबाबत यावल पोलीस ठाण्यात चार जणांविरुद्ध गुन्हा दाखल करण्यात आला आहे.[ads id="ads1"]
या संदर्भात पोलीस सुत्रांकडून मिळालेली अधिक माहीती अशी की , यावल तालुक्यातील कोळवद गावाच्या नजीक असलेल्या खडकाई नदीच्या पात्राजळुन दोन जण हे गुरांना कत्तली साठी घेवुन जात असल्याची गोपनीय माहीती यावल पोलीस ठाण्याचे पोलीस निरिक्षक राकेश मानगावकर यांना मिळाली होती त्यानुसार पोलीस कर्मचारी बालक बाऱ्हे, भुषण चव्हाण , अनिल साळुंखे आणी गणेश ढाकणे यांनी गुरुवार दिनांक ९ फेब्रुवारी रोजी दुपारी १२ वाजता धडक कारवाई करीत यात बेकायद्याशीर गुरे घेवुन जाणाऱ्या संशयीत आरोपी शराफत अली आशिक अली, वय ५३ वर्ष आणी शोएब अराफत अली वय१८ वर्ष हे दोघ राहणार मारूळ तालुका यावल हे सात गुरे घेवुन जात होते.[ads id="ads2"]
या संदर्भात पोलीसांनी या दोघांना विचारणा केली असता त्यांनी सांगीतले की ही गुरे जाकीर कुरेशी व ईब्राहीम कुरेशी दोन्ही राहणार यावल यांच्या मालकीचे असुन , सदरची ही गुरे यावल येथे कत्तलीसाठी घेवुन जात असल्याची माहीती दिली , पोलीसांनी दोघ संशयीतांना ताब्यात घेवुन गुरांची सुटका करण्यात आली असुन, याबाबत पोलीस कर्मचारी गणेश ढाकणे यांच्या फिर्यादीवरून यावल पोलीस ठाण्यात संशयीत आरोपी शराफत अली आशिक अली ,शोएब शराफत अली , जाकीर कुरेशी व ईब्राहीम कुरेशी या चार जणांविरूद्ध विविध कलमा अंतर्गत गुन्हा दाखल करण्यात आला असुन, गुन्ह्याचा पुढील तपास पोलीस निरिक्षक राकेश मानगावकर यांच्या मार्गदर्शनाखाली पोलिस करीत असुन, गुरांची यावलचे पशु चिकित्सक डॉ आर सी भगुरे यांच्याकडुन उपचार करुन, गुरांना निमगाव येथील गोवर्धन गोशाळेत हलविण्यात आले आहे .
