यावल ( सुरेश पाटील )
आज गुरुवार दि.7 रोजी यावल येथील सरदार वल्लभभाई पटेल इंग्लिश मिडियम स्कूल मध्ये दहीहंडीचा कार्यक्रम लहान मुल,मुली विद्यार्थी,विद्यार्थिनी,पालक व शिक्षक शिक्षकेतर कर्मचाऱ्यांच्या उपस्थितीत मोठ्या उत्साहात साजरा करण्यात आला.[ads id="ads1"]
यानिमित्ताने शाळेत सांस्कृतिक कार्यक्रमाचे आयोजन करण्यात आले.कार्यक्रमास प्रमुख अतिथी म्हणून यावल येथील तलाठी ईश्वरलाल कोळी, संस्थेचे अध्यक्ष राजेंद्र महाजन सर,शशिकांत फेगडे यांना आमंत्रित करण्यात आले.सर्वात प्रथम प्रमुख मान्यवरांच्या हस्ते प्रतिमा पूजन करून पुष्पहार अर्पण करण्यात आला व दीप प्रज्ज्वलन करून कार्यक्रमास सुरुवात करण्यात आली.[ads id="ads2"]
तद्नंतर शाळेच्या मुख्याध्यापिका सौ.शिला तायडे मॅडम यांच्या हस्ते प्रमुख मान्यवरांना गुलाब पुष्प देऊन त्यांचा आदरसत्कार करण्यात आला.कार्यक्रमात भगवान श्रीकृष्णाच्या जन्माचा अत्यंत सुंदर देखावा सादर करण्यात आला.शाळेतील सर्वच विद्यार्थ्यांनी राधा कृष्णाच्या वेशभूषा साकार करून तसेच सांस्कृतिक व पारंपारिक नृत्य सादर करुन उपस्थितांची मने जिंकली.सर्वात शेवटी दहीहंडीचा कार्यक्रम साजरा करण्यात आला.संस्था अध्यक्ष राजेंद्र महाजन सर यांच्या मार्गदर्शनानुसार आजचा कार्यक्रम अत्यंत उत्साहात व जल्लोषात साजरा करण्यात आला.कार्यक्रमाचे सूत्रसंचालन सौ.टिना निंबाळे मॅडम यांनी केले व सौ.कुंदा नारखेडे मॅडम यांनी सर्वांना दहीहंडीचे महत्त्व सांगून आभार व्यक्त केले. प्रशांत फेगडे सर यांच्यासह सर्व शिक्षकांचे व कर्मचारी वर्गाचे या कार्यक्रमास उत्तम सहकार्य लाभले.अशाप्रकारे आजचा गोपाळकाला निमित्तचा दहीहंडीचा कार्यक्रम अत्यंत उत्साहात व जल्लोषात पार पडला.
