यावल (सुरेश पाटील) यावल नगरपरिषदेच्या घनकचरा व्यवस्थापन अंतर्गत शहरातील गाळ कचरा,डेब्रिज वाहतूक व द्वार ते द्वार कचरा संकलन कामाचे माहे डिसेंबर २०२३ देयक अदा करण्याची दि.९ जानेवारी २०२४ रोजी केलेली टिपणी क्र.१० प्रत्यक्ष बघितली असता पुणे येथील मे. दिशा एजन्सीला यावल नगरपरिषद मुख्याधिकारी यांनी १४ लाख ६२ हजार ३८९ रुपये देयक दिल्याचे दिसून येत असल्याने याबाबत संपूर्ण यावल शहरातील राजकारणात,ठेकेदारी वर्गात अनेक प्रश्न उपस्थित केले जात आहेत.[ads id="ads1"]
यावल नगर परिषदेने ९ जानेवारी २०२४ रोजी टीपणी क्र.१० मध्ये नमूद केले आहे की, संदर्भीय विषयान्वये सविनय सादर की यावल नगर परिषदेने में सर्वसाधारण सभा ठराव क्र.१०७६ दि. ०३/०८/२०२१ अन्वये घनकचरा व्यवस्थापन नियम २००० व २०१६ मधील तरतूदी नुसार द्वार स्तर कचरा संकलन व वाहतूक व्यावसायिक / वाणिज्य/व्यापारी क्षेत्र व रस्त्यालगतच्या सार्वजनिक ठिकाणचा कचरा संकलन वाहतूक करणे, रस्ते व व्यापारी / व्यावसायिक /सार्वजनिक क्षेत्राची साफ सफाई करणे,शहरातील गटार स्वच्छता करणे, शहरातील मृत जनावरे उचलणे व शास्त्रोक्त विल्हेवाट लावणे, घनकचरा प्रक्रिया प्रकल्प येथे
Zew waste Basis वर प्रकल्प चालविणे व खत प्रकल्प चालविणे व अनुषंगिक कामे करणे, इत्यादी कामासाठी जाहिर ई-निविदा टेंडर आप डी.२०२१.डी. एम.ए. ७३८७२७१ ( द्वितीय वेळ) प्रसारित करून संदर्भ ०९ नुसार दि. ०१/०३/२०२२ पासून कार्यादेशित करण्यात आले होते. सादर त्रैवार्षिक निविदेसाठी १ वर्ष कालावधी करीता प्रशासकीय मान्यता संदर्भ ८ अन्वये प्रदान करण्यात आली होती. तदनंतर माहे मार्च २०२३ पासून १ वर्ष कालावधी करीता संदर्भ ११ अन्वये १४ व १५ वा वित्त आयोग निधी अंतगर्त प्रशासकीय मान्यता प्रदान करण्यात आली असे.यानुसार मक्तेदारास प्रथम वर्ष करीता संदर्भ ९ नुसार कार्यादिषित असे.तसेच संदर्भ १२ नुसार मक्तेदारास प्राप्त प्र. मा. नुसार माहे मार्च २०२३ पासून पुढील एक वर्ष साठी कार्यादेषित करण्यात आले असे तरी मक्तेदाराने केलेल्या कामाचे मागणी बिल १३ अन्वये सादर केले असून तपासणी अंती देयक भाग १(नगर परिषदेने मक्तेदारास दि. ११ जानेवारी २०२४ रोजी नमुना क्र. ६४ नुसार अदा करावयाचे देयक) १४ लाख ६२ हजार ३८९ रुपये मंजूर करण्यात आले आहे.[ads id="ads2"]
यावल नगरपरिषद नमुना क्र.६४ प्रत्यक्ष बघितला असता यावल नगरपरिषदेच्या घनकचरा व्यवस्थापन अंतर्गत शहरातील गाळ कचरा,डेबीज वाहतूक व द्वार ते द्वार कचरा संकलन वाणिज्यिक द्वार ते द्वार कचरा संकलन गटारी सफाई दिवस रात्री झाड झुड करणे कामाचे डिसेंबर २०२३ बिल १४ लाख ६२ हजार ३८९ रुपये मागणी बिल सादर केले असल्याचे नगरपालिकेत दिनांक 9.1.2024 रोजी नोंदवण्यात आले आहे कामाचे मागणी बिल ठेकेदाराने सादर केल्यानंतर आणि ठेकेदाराने यावल शहरात दैनंदिन कामकाज अटी शर्तीनुसार केले आहे किंवा नाही याची खात्री यावल नगरपरिषद संबंधित विभाग प्रमुख,प्रभारी आरोग्य निरीक्षक यांच्यासह यावल नगरपरिषद मुख्याधिकारी हेमंत निकम यांनी न करता पुणे येथील दिशा एजन्सीला बिल अदा केल्याने अनेक प्रश्न उपस्थित होत आहेत.
१४ वा आणि १५ वा वित्त आयोग अंतर्गत प्राप्त निधी माहे डिसेंबर २०२३ करता कामापोटीचे देयक १४ लाख ६२ हजार ३८९ रुपये पुणे येथील मी दिशा एजन्सीला देण्याची कार्यवाही यावल नगर परिषदेने केल्याने जिल्ह्यातील घनकचरा व्यवस्थापन क्षेत्रात अनेक प्रश्न उपस्थित केले जात आहेत या प्रकरणाची चौकशी आणि प्रत्यक्ष खात्री जिल्हाधिकारी कार्यालयातील नगरपालिका शाखा सहाय्यक आयुक्त व जिल्हाधिकारी जळगाव यांनी केल्यास यावल नगरपरिषदेने १४ वा आणि १५ वा आयोगाच्या निधीची विल्हेवाट कशी लावली हे समोर आल्याशिवाय राहणार नाही.
