रावेर प्रतिनिधी (मुबारक तडवी)
रावेर तालुक्यातील निंभोरा येथे रस्त्याचे काम गेल्या जवळपास महिनाभरापासून संथ गतीने सुरू आहे! आणि ही बाब वाहनधारकांसाठी चिंतेची बाब बनली आहे (गणेशोत्सवाच्या पार्श्वभूमीवर तरुणांमध्ये असंतोष). निंभोरा बसस्थानकाच्या एसटी स्टँडपासून उड्डाणपुलापर्यंत रस्त्याचे काम सुरू झाले आहे, ज्यासाठी अंदाजे २ कोटी रुपये मंजूर झाले आहेत. दोन्ही बाजूंनी गटारे आणि रस्ते बांधण्याचा प्रस्ताव आहे, परंतु पुढील रस्त्याचे काम लांबणीवर पडत आहे, ज्यामुळे गणेशोत्सवाच्या पार्श्वभूमीवर खूप त्रास होत आहे. निधीअभावी,कंत्राटदाराने प्रकल्पाकडे पाठ फिरवल्याचे सुज्ञ नागरिकांचे म्हणणे आहे. बांधकाम सुरू असलेल्या रस्त्याला लागून असलेले संभाजीनगर, जिजाऊ नगर, इंदिरानगर आणि पंचशील नगर हे समांतर रस्ते अद्याप जोडले गेलेले नाहीत, त्यामुळे रहिवाशांची गैरसोय होत आहे.
(ads)
"आपला जीव गेल्यावरच प्रशासन जागे होईल का?", असा प्रश्न वाहन मालकांकडून संतप्तपणे उपस्थित केला जात आहे. कंत्राटदाराने काम अपूर्ण ठेवल्याने नागरिकांना खूप त्रास सहन करावा लागत आहे. जड वाहनांच्या वाहतुकीमुळे अरुंद एकेरी रस्त्यावर मोठी कोंडी होत आहे.
संबंधित कंत्राटदार अतिशय संथ गतीने काम करत आहे आणि गावातून जाणाऱ्या पादचाऱ्या, लहान चारचाकी वाहने आणि मोटारसायकलींमुळे गावात वाहतूक कोंडीची समस्या निर्माण होत आहे. यामुळे वाद निर्माण होत आहेत. केळी वाहतूक करण्यासाठी येणाऱ्या वाहतुकीवरही याचा परिणाम होत आहे. संबंधित कंत्राटदाराने हे काम लवकरच पूर्ण करावे अशी मागणी निंभोरा आणि पंचक्रोशीतून होत आहे. निंभोरा हे पंचक्रोशीतील बाजारपेठ गाव असल्याने, व्यापारी, महिला शेतकरी, शेतमजूर आणि आठवडी बाजारात इतर जीवनावश्यक वस्तूंसाठी येथे येणाऱ्या सर्वांना अडचणी येत आहेत. अशा परिस्थितीत, वरील काम सुरू न झाल्यामुळे केळीची वाहतूक आणि बाजारपेठेत समस्या निर्माण होत आहे.
(ads)
नागरिकांची होतेय मोठी गैरसोय
या अपूर्ण रस्त्यावर मोठे खड्डे आहेत आणि वाहनचालकांच्या जीवित आणि मालमत्तेला सतत धोका असतो. अनेक वेळा विरुद्ध दिशेने वाहन आले तर बाहेर पडण्यासाठी मार्ग नसतो, ज्यामुळे वाद होतात. यामुळे वाहनचालकांमध्ये संताप निर्माण झाला आहे. या संदर्भात संबंधित लोकप्रतिनिधी आणि वरिष्ठ अधिकाऱ्यांनी गांभीर्याने दखल घेऊन अपूर्ण रस्त्याचे काम पूर्ण करावे अशी मागणी होत आहे.
हे काम पावसाळ्यात सुरू झाले आहे आणि त्यामुळे खूप त्रास होत आहे. ग्रामपंचायतीची पाणीपुरवठा करणारी पाईपलाईन या रस्त्यावर असल्याने, जड वाहनांच्या वाहतुकीमुळे, ती अनेक ठिकाणी गळत आहे, ज्यामुळे आरोग्याच्या समस्याही निर्माण होत आहेत. संबंधित कंत्राटदाराने हे काम अपूर्ण ठेवल्याने, गणेश चतुर्थी आणि दुर्गा चतुर्थी हे सण लक्षात घेऊन, गळती थांबवण्याचे हे काम ग्रामपंचायत प्रशासनाला स्वखर्चाने पूर्ण करण्यास सांगितले आहे. हे सर्वसाधारणपणे घडत आहे.
(ads)
प्रतिक्रिया -
रवींद्र बाविस्कर उपअभियंता सावदा - सार्वजनिक बांधकाम विभागाचे उपअभियंता, रावेर रवींद्र बाविस्कर म्हणाले की, गणेशोत्सवाच्या पार्श्वभूमीवर अरुंद आणि एकेरी कच्चा रस्ता मोकळा केला जाईल आणि खड्डे एक-दोन दिवसांत भरले जातील.
सुनिल कोंडे राष्ट्रवादी काँग्रेस
या रस्त्याच्या दुरुस्तीसाठी आम्ही शनिवारपर्यंत वाट पाहू, अन्यथा सोमवारी या रस्त्यावर उपोषणाला बसू. बुधवार, ३ सप्टेंबर रोजी आम्ही सार्वजनिक बांधकाम विभागाला या संदर्भात निवेदन देण्यात आल्याचेही सांगितले
