कोरपावली येथे मुस्लिम पटेल समाजात साखरपुड्यातच छोटेखानी विवाह संपन्न : हज यात्रा करून आलेल्या हाजींनी घेतला पुढाकार

 

यावल ( सुरेश पाटील ) तालुक्यातील कोरपावली येथे रविवारी मुस्लिम पटेल समाजात एक आदर्श विवाह संपन्न झाला आहे.साखरपुड्याच्या उद्देशातून यावल शहरातील पटेल कुटुंब तिथे गेले होते.दरम्यान छोटे खाणी या साखरपुड्यातच विवाह केला जावा व रूढी परंपराला फाटा मिळावा यासाठी हाजी मुक्तार इसा पटेल कॉन्टॅक्टर यांनी पुढाकार घेतला आणि त्यांच्या पुढाकारातून सदर साखरपुड्यातच विवाह संपन्न झाला.आणि पटेल कुटुंबीयांनी समाजापुढे आदर्श ठेवला आहे. 

(ads)

यावल शहरातील रहिवासी दानिश सईद पटेल यांचा साखरपुडा रविवारी सानिया तालेब पटेल रा. कोरपावली हिच्यासोबत होणार होता. दरम्यान या साखरपुड्याच्या छोटेखानी कार्यक्रमातच रूढी परंपरांना फाटा देत, हळद लावणे, हळदीचा कार्यक्रम करणे, त्यानंतर वरात आणणे व वायफळ खर्च करणे अशा सर्व बाबी आणि रुढीपरंपरा टाळून आपण साखरपुड्यातच छोटे खाणी निकाह लावून घ्यावा असा पुढाकार यावलचे कॉन्ट्रॅक्टर हाजी मुक्तार इसा पटेल यांनी घेतला आणि त्यांच्या या पुढाकाराला मोहम्मद रफीक पटेल कोरपावली यांनी सहमती दाखवली आणि वधू वर मंडळींच्या पालकांनी देखील संमती दाखवली व छोटेखानी कार्यक्रमात रूढी परंपरेला फाटा देत साखरपुड्यातच निकाह अर्थात विवाह संपन्न करण्यात आला. 

(ads)

याप्रसंगी अजित गणी पटेल, नसिर गनी पटेल, सादिक गनी पटेल, वसीम सिकंदर पटेल, रमीज सिकंदर पटेल, न्याजुद्दीन हैदर पटेल, हाजी समद चांद पटेल, शरीफ इसा पटेल, इकबाल इसा पटेल, आबुतालेब अफजल पटेल, मुक्तार पिरन पटेल, रशीद नबाब पटेल, आसिक मोहमंद पटेल, मुनाफ रहेमान पटेल, महमंद पटेल आदींची उपस्थिती होती. एकूणच रूढी, परंपरांना फाटा देत पटेल कुटुंबीयांनी समाजापुढे आदर्श ठेवला आहे.