मुंबई : राज्यातील वीज वहन यंत्रणा अधिक बळकट करण्यासाठी महाराष्ट्र राज्य विद्युत पारेषण कंपनी (महापारेषण) आणि महाराष्ट्र राज्य विद्युत निर्मिती कंपनीमध्ये (महानिर्मिती) नुकताच एक सामंजस्य करार झाला. ७६५ के.व्ही. क्षमतेच्या पारेषण प्रकल्पासाठी 'टॅरिफ बेस्ड कॉम्पिटिटिव्ह बिडिंग' (TBCB) अंतर्गत संयुक्तपणे निविदा सादर करण्याचा निर्णय दोन्ही वीज कंपन्यांनी घेतला आहे.
(ads)
या भागीदारीमुळे महापारेषणचा पारेषण क्षेत्रातील दांडगा अनुभव आणि महानिर्मितीची मोठ्या वीज प्रकल्पांच्या अंमलबजावणीतील तांत्रिक कार्यक्षमता एकत्र येणार आहे. ७६५ के.व्ही. श्रेणीतील प्रकल्पांसाठी या दोन शासकीय कंपन्यांचे एकत्र येणे, राज्याच्या दृष्टीने महत्त्वाचे पाऊल मानले जात आहे.
हा ऐतिहासिक करार महापारेषणचे अध्यक्ष व व्यवस्थापकीय संचालक डॉ. संजीव कुमार (भा.प्र.से.) आणि महानिर्मितीचे अध्यक्ष व व्यवस्थापकीय संचालक श्री. राधाकृष्णन बी. (भा.प्र.से.) यांच्या प्रमुख उपस्थितीत पार पडला.
(ads)
यावेळी महापारेषणचे संचालक (संचलन) श्री. सतीश चव्हाण, संचालक (प्रकल्प) श्री. अविनाश निंबाळकर, संचालक (वित्त) श्रीमती तृप्ती मुधोळकर, मुख्य विधी सल्लागार श्री. विजय पाटील, मुख्य अभियंता (TBCB) श्री. अमित नाईक तसेच महानिर्मितीचे संचालक (वित्त) श्री. मनेश वाघिरकर, संचालक (प्रकल्प) श्री. अभय हरणे, मुख्य विधी सल्लागार डॉ. कीर्ती कुलकर्णी व इतर वरिष्ठ अधिकारी उपस्थित होते.
प्रकल्पाचे महत्त्व
• बळकट ग्रीड : या नवीन प्रकल्पांमुळे वीजवहन क्षमता वाढून ग्रिड अधिक स्थिर होण्यास मदत होईल.
• शासकीय कंपन्यांची स्पर्धात्मकता: खासगी कंपन्यांच्या स्पर्धेत आता राज्यातील दोन प्रमुख ऊर्जा कंपन्या एकत्र उतरल्याने प्रकल्प खर्चात बचत आणि गुणवत्तेत वाढ अपेक्षित आहे.
• भविष्यातील गरज: भविष्यातील वाढती विजेची मागणी लक्षात घेता ७६५ के.व्ही.ची यंत्रणा ही 'पॉवर कॉरिडॉर'साठी कणा ठरणार आहे.
(ads)
या धोरणात्मक निर्णयामुळे महापारेषणचे देशातील अग्रगण्य राज्य पारेषण कंपनी म्हणून स्थान अधिक मजबूत होईल. महानिर्मितीसोबतच्या या समन्वयामुळे मोठ्या प्रकल्पांची अंमलबजावणी वेगाने आणि अधिक तांत्रिक सक्षमतेने करणे शक्य होणार आहे.
MSETCL and MSPGCL Sign MoU for Joint Bidding of 765 kV TBCB Projects
Mumbai : Maharashtra State Electricity Transmission Company Ltd. (MSETCL) has signed a Memorandum of Understanding (MoU) with Maharashtra State Power Generation Company Ltd. (MSPGCL) to jointly participate in upcoming 765 kV transmission projects in Maharashtra under the TBCB framework.
(ads)
The collaboration will leverage MSETCL’s core strengths in transmission planning, system operation and project execution, along with MSPGCL’s technical expertise in executing large power projects.
The MoU was signed in the presence of the senior leadership of both organizations including Dr. Sanjeev Kumar, I.A.S., Chairman & Managing Director, MSETCL & Shri Radhakrishnan B., I.A.S., Chairman & Managing Director, MSPGCL, from MSETCL - Shri Satish Chavan, Director (Operations), Shri Avinash Nimbalkar, Director (Projects), Smt. Trupti Mudholkar, Director (Finance), Shri Vijay Patil, Chief Legal Advisor, and Shri Amit Naik, Chief Engineer (TBCB) and from MSPGCL- Shri Manesh Waghirkar, Director (Finance), Shri Abhay Harne, Director (Projects), and Smt. Kirti Kulkarni, Chief Legal Advisor, and other senior officials.
This strategic initiative is expected to strengthen MSETCL’s position as the leading State Transmission Utility in India and further reinforce Maharashtra’s transmission network for reliable power evacuation and future grid expansion.
