ऐनपूर: येथील सरदार वल्लभभाई पटेल कला व विज्ञान महाविद्यालयात विद्यार्थी समुपदेशन केंद्रामार्फत विद्यार्थ्यांसाठी मानसशास्त्रीय चाचणी व समुपदेशन कार्यशाळेचे आयोजन करण्यात आले. या कार्यशाळेत कवयित्री बहिणाबाई चौधरी उत्तर महाराष्ट्र विद्यापीठ जळगाव येथील मानसशास्त्र विभागातील विद्यार्थिनी कुमारी गाढे हिने विद्यार्थ्यांसाठी मानसशास्त्रीय चाचणी घेतली .
(ads)
विद्यार्थी व विद्यार्थिनींशी हितगुज करुन त्यांच्या समस्यांचे निरसन केले.विद्यापीठ परीक्षेचा ताण न घेता आनंदाने सामोरे जावे असे समुपदेशन केले. तसेच महाविद्यालयाचे प्राचार्य डॉ. जे. बी. अंजने यांनी अध्यक्षीय मार्गदर्शनामध्ये विद्यार्थ्यांना समुपदेशनाची गरज आहे असे सांगितले तसेच विद्यार्थी समुपदेशन केंद्राचे समन्वयक व समुपदेशक प्रा. डॉ. व्ही. एन. रामटेके यांनी विद्यार्थ्यांना त्यांच्या समस्या जाणून घेऊन मार्गदर्शन केले.
(ads)
या समुपदेशन व मानसशास्त्रीय चाचणी कार्यशाळेचे सूत्रसंचालन प्रा एस पी उमरीवाड यांनी केले. या कार्यक्रमाला विद्यार्थी विद्यार्थिनी प्राध्यापक व प्राध्यापकेतर कर्मचारी उपस्थित होते या कार्यक्रमाचे आयोजन मानसशास्त्र विभागाचे विभाग प्रमुख, विद्यार्थी समुपदेशन केंद्राचे समुपदेशक व समन्वयक प्रा. डॉ. व्ही.एन.रामटेके यांनी मान्यवरांचे आभार मानले.
