वाघोदा ता.रावेर (सुवर्ण दिप वृत्तसेवा) : अंकलेश्वर–बऱ्हाणपूर महामार्गावर रावेर तालुक्यातील सावदा ते मोठा वाघोदा बुद्रुक दरम्यान सीटी पॅलेस हॉटेलजवळ. (Hotel City Palace) रविवारी (दि. २२ फेब्रुवारी २०२६) सायंकाळी झालेल्या भीषण अपघातात पायी जाणाऱ्या व्यक्तीचा दुर्दैवी मृत्यू झाला. या अपघातात मोठा वाघोदा बुद्रुक येथील विद्यमान ग्रामपंचायत सदस्य उदय प्रभाकर पाटील (रा. Waghode Bk Tal Raver Dist Jalgaon) यांचा मृत्यू झाल्याने गावासह परिसरात शोककळा पसरली आहे.
(ads)
नेमका कसा घडला अपघात?
मिळालेल्या माहितीनुसार, उदय पाटील हे सायंकाळी सुमारे ६.१५ वाजता वाघोदा (Waghode Bk Tal Raver Dist Jalgaon) येथून सावदा रस्त्याने पायी जात होते. सुमारे ७.०० वाजण्याच्या सुमारास त्यांच्या मागून भरधाव वेगात येणाऱ्या मोटारसायकल (क्रमांक MH 19 AB 8410, बजाज कंपनी, लाल रंग) चालकाने रस्त्यावरील परिस्थितीकडे दुर्लक्ष करत त्यांना जोरदार धडक दिली. धडकेची तीव्रता इतकी होती की पाटील रस्त्यावर कोसळले आणि त्यांच्या डोक्याला गंभीर दुखापत झाली.
(ads)
उपचारापूर्वीच मृत्यू
घटनास्थळी उपस्थित नागरिकांनी तत्काळ मदत करत त्यांना सावदा ग्रामीण रुग्णालयात (Raver Rural Hospital) दाखल केले. मात्र वैद्यकीय तपासणीनंतर डॉक्टरांनी त्यांना मृत घोषित केले. प्राथमिक अहवालानुसार डोक्याला झालेली गंभीर दुखापत ही मृत्यूचे कारण असल्याचे समोर आले आहे.
(ads)
पोलिसांत गुन्हा दाखल
या प्रकरणी मृताचे पुतणे हर्षल प्रभाकर महाजन (वय ३७, रा. Waghode Bk Tal Raver Dist Jalgaon)) यांनी सावदा पोलीस ठाणे येथे फिर्याद दाखल केली आहे. फिर्यादीनुसार, मोटारसायकल चालक संजय बावस्कर (रा. रोझोदा, ता. रावेर) याने निष्काळजीपणे आणि भरधाव वेगात वाहन चालवून अपघात घडवून आणल्याचा आरोप करण्यात आला आहे.
अपघातात संबंधित चालकही जखमी झाला असून तो सावदा येथील खासगी रुग्णालयात उपचार घेत असल्याची माहिती आहे. पोलिसांनी गुन्हा दाखल करून पुढील तपास सुरू केला आहे.
(ads)
गावावर पसरली शोककळा
उदय प्रभाकर पाटील हे मोठा वाघोदा बुद्रुक ग्रामपंचायतीचे विद्यमान सदस्य होते. त्यांच्या अकाली निधनामुळे गावात हळहळ व्यक्त होत असून सर्वत्र शोककळा पसरली आहे.
“या मार्गावर तात्काळ उपाययोजना करा” नागरिकांची मागणी
सावदा–वाघोदा (Savda - Waghoda) मार्गावर वारंवार अपघात होत असल्याने नागरिकांनी प्रशासनाकडे वेगमर्यादा फलक लावणे, वाहतूक नियंत्रण कडक करणे आणि पोलिसांची नियमित गस्त वाढविण्याची मागणी केली आहे. या दुर्दैवी घटनेनंतर संबंधित विभागाने तातडीने पावले उचलावीत, अशी मागणी परिसरातून होत आहे.
