विवरे ता.रावेर (समाधान गाढे) रावेर तालुक्यातील विवरे बुद्रुक (Vivare Bk Tal Raver) येथील सरदार वल्लभभाई पटेल नगरातील किशोर पीतांबर राणे यांच्या घरातील सोन्याचे दागिने व रोकड चोरट्यानी लंपास केल्याची घटना मंगळवारी पहाटे २ वाजेच्या सुमारास घडली. पिस्तुलाचा धाक दाखवून ही चोरी करण्यात आली व चोरीनंतर किशोर राणे यांचे हात पाय चोरट्यांनी बांधून ठेवत चोरांनी पलायन केले. [ads id="ads1"]
किशोर राणे यांची पत्नी व मुले बाहेरगावी असल्याने ते घरी एकटेच होते. मंगळवारी पहाटे २ वाजेच्या सुमारास ते लघुशंकेसाठी बाहेर आले असता वेगवेगळ्या बाजूने चार चोरटे त्याठिकाणी आले व त्यांचे तोंड बांधून कानाला पिस्तूल लावून घरात नेले. पैसे व दागिन्यांची मागणी केली. त्यांना घरात नेऊन कपाटाची चावी घेऊन कपाटातील २ तोळे सोने, तसेच पंधरा हजार रोख असा ऐवज काढून चोरट्यांनी किशोर राणे यांचे तोंड व पाय बांधून घटनास्थळावरून पलायन केला. [ads id="ads2"]
घटनेची माहिती मिळताच निंभोरा पोलीस ठाण्याचे सहायक पोलिस निरीक्षक गणेश धुमाळ यांनी घटनास्थळाची पाहणी केली. व निंभोरा पोलीस ठाण्यात (Nimbhora Police Station) अज्ञात चोरट्याविरोधात गुन्हा दाखल करण्यात आला आहे.
हेही वाचा :- बोराच्या झाडाला गळफास घेत तरुणाने संपविली जीवन यात्रा आत्महत्या : जळगाव जिल्ह्यातली घटना
सदर घटनेचा पुढील तपास निंभोरा पोलीस ठाण्याचे सहाय्यक पोलीस निरीक्षक गणेश धुमाळ यांचे मार्गदर्शनाखाली पोलीस करीत आहे.
